आपल्या लाडक्या लोकलला-
(चाल अरुण दाते यांनी गायलेले -येशील येशील येशील राणी , पहाटे पहाटे येशील )
------------------------------------------------------------------------------
येशील येशील येशील गाडी वेगात लवकर येशील?
तिकीट काढुन, वेगात पळुन खिडकीची जागा तू देशील !! येशील येशील येशील--
सकाळची वेळ गर्दी अफाट, फस्ट क्लास मधे जाऊ!
तुला सायडिंगला जरा घालता नको नाराजाने पाहु !
सर्वांना भिडुन, डब्यांना खेचुन मुक्कामी मला तु नेशील !! येशील येशील येशील--
मेल एक्स्र्पेस, लाल सिग्नल अडथळा ओव्हरहेडचा !अडथळा ओव्हरहेडचा !
गर्दीच्या क्षणाचे टायमिंग साधुन रांगेत असंख्य गाड्या !
कल्याण, सायन, दादरकरीत, व्हि टी ला मला तु नेशील !!येशील येशील येशील---
वाजता पाऊल घेई चाहुल स्टेशन वरचा टि। सी.
कुणा पकडेल, कुणाला सोडेल, मिळता सावज भारी !
मुक्याने व्यवहार झाकुन टाकता, नवीन सुरवात होईल!!
येशील येशील येशील गाडी वेगात लवकर येशील?
तिकीट काढुन, वेगात पळुन खिडकीची जागा तू देशील !!
0 comments:
Post a Comment