तू अशी स्वप्नात माझ्या येऊ नको ग साजणी
कस्तुरीचा गंध उधळित नकोस जाऊ कामिनी !!धृ !!
तव तेजाच्या प्रकाश किरणी फूल मनाचे उमलून आले
मावळतीला मिटू नको ग सूर्यफूलांचा बहर घेऊनी !!
तुझ्या स्वराच्या हिंदोळ्यावर शब्द माझे बांधले मी
गीत ते आकाशवेडे गाऊ आपण दोघे मिळोनी !!
नेंणीवेच्या काठावरुनी बोलाविशी तू चंचले
बोलाविले गे मी तुला सत्यात अन् जागेपणी !!
कवयित्री - सौ। उज्वला केळकर। - सांगली
0 comments:
Post a Comment